鮨処光 - 鱈場蟹宴

秋冬季又是食蟹的季節，選址天后鮨処光來一場鱈場蟹宴。
二人分吃一隻鱈場蟹有點太過！？ 是很飽很 滿足的！
我比朋友先到，坐在sushi bar就準備叫定sake吧！
旁邊坐着餐廳熟客，見我準備叫酒就叫停我然後說他們有多，請我飲吧。
很熱情的給我倒，最後給了我們大半支。
據他所說，他從日本到酒莊旅遊帶回來的，還有莊主簽名在酒瓶上。
酒是純米大吟釀，很清甜重米香，不是dry的那種。
那麼幸運，今天應該有口福吧！看那蟹的口和腳還不停的郁動。
還碰巧今天是返貨天，正！

先送上是帶子，拖羅及蟹腳刺身。師傅磨了些柚子皮撒上帶子，遠遠都聞到那柚子的清香，而柚子皮亦完成工作帶出帶子鮮味。蟹腳刺身十分鮮甜但個人比較喜歡熟的。拖羅非常肥美，魚油十足，屬一件起兩件止。

然後是壽司，蟹肉略拖熟呈半生熟。一件是白蝦蟹肉壽司，很甜充滿海鮮味，滿口都是鮮甜海鮮餘香。另一件是海膽蟹肉壽司，以為會更喜歡但之前的白蝦蟹肉太出色，海膽蟹肉有少許失去焦點，顯不出蟹肉本身鮮味。是晚壽司有少許失水準，飯沒有捏好，美中不足。另這裏的玉子是不錯吃。

下一道是蟹沙律，拆出的蟹肉混入蟹膏，非常濃郁蟹味，令人回味。

熱食，燒蟹腳的末段，只加上海鹽調味。燒得剛好，擠上少少檸檬汁帶出蟹的鮮甜，還有那燒烤味。一道最簡單而又好味的料理。

想不到這裏的天扶良亦做得不錯。蟹鉗用上天扶良的做法，兩隻鉗開為四份，兩種味道。一種是紫蘇葉包着海膽蟹鉗，另一種是紫菜包着蟹鉗。本身不喜歡紫蘇葉的，但這個很好吃。只有淡淡的紫蘇味，沒有蓋過海膽蟹。比較之前的海膽蟹肉壽司，這個融合好很多，入口有好幸福的感覺。

蟹腳味噌湯送上，沒拍照，又是啖啖肉。休息一會，一大個蟹蓋送來。蟹膏，蟹血(啫喱狀)，海膽的混合。可以想像滿口蟹膏海膽的感覺，很濃很滯。

此刻已經很飽，但最後還有一道蟹雜炊。湯底應該有昆布木魚，再煮過蟹腳，蟹雜炊裏還有兩隻蟹腳。其實我是很喜歡這道的，有鮮甜蟹味，好吃。可惜太飽了，沒法吃完，很飽很滿足的一餐！

獨食其實是很飽很肥，兩個人一隻蟹太多了， 下次還是多叫幾個朋友“分享”。哈！

鮨処光
天后琉璃街4號地下
Tel 2566 3801

歐洲餐廳小分享

一直要維持工作及打理網誌實在不易，對於我這個打中文新手來說更難，事倍功半。
我食齡不高(3-4年)畢竟只二十有四，人生有三分一時間都在英國，是我另一個家。
所以真正接觸比較多可以算是西餐，煮食亦偏好西式飲食。
去過不多亦不少有名嘅餐廳，沒有真正統算過，憑記憶統計下吧。
The Fat Duck
Pied à terre
Hibiscus
Le Gavroche
The Ledbury
Tom Alkins
Gordon Ramsay at Claridge's
Hélène Darroze at the Connaught
L'atelier de Joel Robuchon London
Nobu London
Hakkasan London
Alain Ducasse au Plaza Athénée, Paris
L'arpege, Paris
Guy Savoy, Paris
Noma, Copenhagen
Kong Hans Kælder, Copenhagen
Gundel étterem, Budapest
Restaurant Nero, Stavanger

其實不能盡錄，太多餐廳不是fine dining但質素高價錢合理且很受當地人歡迎如 St John London, Polpo London, Barrafina London, Taspas 24 Barcelona, Fiskebaren Copenhagen, Golden View Open Bar Florence, etc.

St John - Roast bone marrow & parsley salad

St John 一道簡單bone marrow with parsley salad已經可以make my day！再看看其他必試

Polpo - Spinch, parmesan & soft egg pizzetta

Barrafina - Tortilla

其實fine dining以Noma最有驚喜，視覺嗅覺味覺都極高享受。Fat Duck亦然，再加聽覺效果，但以Noma味道為佳。各國食物亦以北歐國家最有驚喜, 食材質素之高令我和朋友十分驚喜。有機會大家要試試他們的蔬果牛奶海鮮！ 另西班牙／意大利 我都十分喜愛。

巴黎 - L'Arpege

今次旅程的第二間米芝蓮三星餐廳L'Arpege安排在第二日的下午。這間餐廳及主廚Alain Passard係香港嘅名氣雖沒Alain Ducasse, Joel Robuchon的大，但亦是國際知名，更在The World's Best 50 Restaurant 中排名16。其實都係有人向我地推薦先知道呢間餐廳，亦因為唔認識，期望沒其他的高，卻反而成了最驚喜的一間。經過這次的用餐體驗，L'Arpege成了我和朋友最喜愛餐廳之一，是整個旅程中最滿意的一餐，完全被amazed。我本身係一個無肉不歡嘅人，佢改變咗我嘅飲食習慣，我可以轉食素如果日日喺度食！

L'Arpege的位置不太明顯，招牌以至門口都十分低調，一不留神經過都會錯過門口的。內裏嘅裝修非常簡約，甚至帶點懷舊嘅感覺。到處都擺放著蔬果做裝飾，每張枱都放有南瓜作擺設。

點了tasting menu，大概有十道菜包括前菜，主菜，芝士及甜品。兩個人只點了一瓶白酒，因之前做過少少資料搜集知道這餐廳擅長及主張素食，奉行多菜少肉，白酒應該比較配合。
來了兩款amuse bouche，先是幾塊脆薄片上面分別放有不同的餡料。有不同的蔬菜，切法亦各有不同，有切片／切粒／打成蓉的。另一款amuse是它出名嘅hot-cold egg, 先取出蛋白留低蛋黃喺殼入面，然後座入water bath煮至僅熟，再放入cream fresh, chives, vinegar & maple syrup等。好好味，入面嘅蛋黃係流心且暖暖的，上面嘅cream係凍，一定要一羹到底先感受到hot　﹠cold。

第一道菜係herbs ravioles，不過更像中國嘅雲吞。因為係喺一個vegetable consomme入面，每粒都係唔同嘅餡。主要係４種唔同嘅香草，有d配芝士有d配其他蔬菜。食落去你唔會覺得係vegetarian dish，味道同咬口都好似有肉咁。但我覺得呢個比有肉嘅更加好味，餡料配搭很好，用fragrant形容更貼切。


第二道菜係scallops carpaccio with freshly shaved horseradish, crispy radish and matcha tea powder。一個比較日式嘅菜，所有嘅味道都好夾。首先帶子好新鮮，加上horseradish嘅關係，個味道更似食緊日本刺身，因為horseradish本身有芥末嘅辣同味道，所以有d似wasabi。

第三道係佢嘅signature，celery risotto！呢個係超級好食！據講係將celery切好細粒，然後將佢當risotto咁一樣煮法，可以用al dente黎形容。食到西芹，香草，忌廉同芝士，味道好豐富。

第四道亦係我嘅favorite，由幾種root vegetables，淋上用唔同嘅蔬菜打成嘅汁再加埋cous cous組成。All root vegetables are perfectly cooked！都係用al dente黎形容，佢唔係煮到腍哂亦唔係爽口。係實身，可以話係有個body（言詞貧乏）。食得出每種菜嘅味道，但個汁都好惹味。食到菜，少少芝士，蒜頭同d堅果嘅nutty flavor。

緊接第五道菜係龍蝦，我認為係全晚唯一失色嘅一道菜。有少許over-cooked，亦因為之前一日喺Alain Ducasse食到幾道處理得十分好嘅蝦／龍蝦菜式，更特顯出個分別。

龍蝦之後係foie gras，好香亦煎得恰好，外脆內嫩，只略嫌太油。

最後一道主菜係鴿胸。剛才龍蝦菜式就Alain Ducasse小勝一仗，今次Alain Passard嘅鴿胸扳回一仗勝過Alain Ducasse嘅雞胸。鴿胸煮得恰好，鴿味濃而且保持肉汁。鴿肉出色但還不及配菜搶鏡，甜菜頭跟小洋蔥好食到想加order。兩樣都十分甜，小洋蔥外面脆脆的，驚覺是洋蔥皮，十分欣賞佢煮蔬菜嘅手法及廚藝！

到芝士時間，選擇不多，只有幾款，所以侍應亦大方的每款都給我們試試。

緊接是petit fours，我不是太喜歡macaroon的，可能因為第一次食的感覺不好，又甜又痴牙，而之後食到嘅雖然好些但亦不覺特別好就沒再抱期望了。再一次被Alain Passard改變了，而且被他surprise到。他連macaroon都是蔬菜味，最愛綠和橙，是西芹和紅蘿蔔味。然後那個像玫瑰嘅焗梨撻都是他的signature，但我更喜歡macaroon和那個黑芝麻棉花糖！

甜品時間，看見侍應拿出一大盤mille-feuille，然後即場切給我們。切的時候有令我們期待，因為刀一切下去就已發出代表好好食的聲音，那個脆的聲音我現在還很有印象。當然係無失望，中間的是吉士醬，不太甜，是吃過最好的mille-feuille！

去到呢一刻其實真係好飽，但仲有一個甜品。是cream brulee，上面有朱古力醬，下面的cream brulee是西芹味。哈哈　十分佩服佢對蔬菜嘅執著。

最後叫了杯咖啡，他還送我們一個梳乎厘，其實經已飽到食唔落，兩個人勉強都食唔哂。

我們１２點到達餐廳，到３點多完成這十道菜的tasting menu．．．　但還未end of story哦！
其實在我們食飯中途，主廚Alain Passard有從廚房出來過，還跟每枱都打過招呼甚至傾計。當他到我們枱時問起我們從哪來，我們表示香港不過在英國讀書中。他說他剛到過香港為馬會舉行晚宴，還告訴我們餐廳的蔬果都是自己農場種植的，聊了一會還跟我們拍照。

Alain Passard，一個風趣幽默嘅gentleman

之後更unexpected的事發生，當侍應在準備上甜品的時候跟我們說 “our chef wanna invite you to the VIP room for coffee after you have finished your meal”　我和朋友係又驚又喜，侍應解釋因為chef有位在VIP room的朋友從香港來了。
食完飯侍應就帶我們到VIP room，我和朋友其實有點怪怪的感覺，入面都是法國人。我們安坐後又給我們petit fours同champagne，Alain Passard 都不停跟我們傾計／玩／影相。跟他們傾計發現坐我旁的是前YSL creative director．．．然後我朋友旁的是法國一間telecom嘅高層，其餘還有連鎖餐廳的老闆等．．．
最後去到差不多６點，我們就要求離開，因為又要趕往下一場 - Guy Savoy。Alain Passard叫我們留低食飯，因為佢比較好　哈哈。然後我朋友十分搞笑，因她迅速地reject咗佢，其他人就笑說未試過有人拒絕 Alain Passard嘅offer。最後那位telecom高層給我們寫了一張字條，因他認識在Guy Savoy的主廚，說或會有特別待遇。一次非常非常難忘嘅經歷，還有我們都讚他的廚師服好靚好型　哈！　

Alain Passard的cook book。除了簽名，還畫畫。

L'Arpege
84 Rue de Varenne, 75007 Paris, France
Tel +33 1 47 05 09 06

巴黎 ﹣ Alain Ducasse au Plaza Athenee

２０１０年１２月　由巴黎揭開序幕！

早上從倫敦St Pancras station搭上Eurostar出發，展開三日兩夜巴黎美食之旅。落雪關係，火車三小時後抵達巴黎。正好午膳時間，到酒店放低行李就出去早於一個月前訂枱嘅Alain Ducasse au Plaza Athenee。這間米芝蓮三星餐廳位處於Plaza Athenee這五星級酒店內，裝潢亦較為華麗，感覺很grand。頭頂上盡是美輪美奐的巨型水晶吊燈，還有牆上和天花上的雕花裝修，像皇宮似的富麗堂皇。

枱與枱之間亦有一定距離，空間感十足。

先來一杯是Gosset Grand Rose Brut，洋蔥皮顏色，氣泡多而細，citrus fruit, red berries嘅香味中亦帶有yeast嘅味道，易入口，酸度足夠。之後點了tasting menu，因為a la carte價錢相差不遠，就試它的seasonal同signature吧！
然後侍應拿來一個煎pan，香味樸鼻。是amuse bouche，裡面有shallot，小蝦。有鮮蝦，
亦有像蝦乾似的，有蝦身蝦頭。帶很濃的蝦及蝦膏味道，放多士上吃已十分好食。

另外一款amuse是兩片小多士，上面分別有ham及魚片，不錯但亦不特別。

第一道菜是Langoustine with caviar，配上１shot spice consomme。Langoustine十分鮮甜
爽口，但本身味道不強，加上大大粒帶鹹甘香嘅魚子醬就更能帶出鮮味。

緊接下一道係lobster煮薯仔紅蘿蔔等的root vegetables。汁是甜甜蔬菜味又帶酸酸的，薯仔
紅蘿蔔等煮得入味。蝦肉再一次處理得很好，爽口且入味。

再來，蝦again？！今次是crayfish bisque。相比bisque，我覺得更像一個很濃嘅sauce。
跟之前一樣是爽甜，但連吃幾道蝦類的菜是有點悶且飽飽地。

最後的主菜係雞，外國人都比較愛吃雞胸肉。雞胸配上濃濃嘅奶油醬，再即場刨上白松露片，
空氣即時充滿松露嘅香味。汁醬既濃且惹味，法國人烹調醬汁的確出色！可惜我麻麻地雞胸肉，
而這雞胸亦煮得不太好，有點嚡口，所以吃剩了１／３．．．是有點浪費的感覺。
另外亦跟上一個菇菌味嘅consomme同沙律清清肥膩感。

然後到芝士，我是很喜歡吃芝士但冇咩研究。Overall, blue cheese is the best! 

甜品可以自選，我跟朋友點不同的。一款是citrus，另一款是bitter chocolate。
Citrus內有幾種熱帶水果切粒＋熱情果做的雪葩組成。我地覺得普通，而且太酸。

另一個係好chocolaty嘅甜品，入面係chocolate mousse，
然後再淋上好濃嘅dark chocolate sauce。
我唔係一個甜品迷但都覺好食，唔太甜不過幾漏！

最後是petit fours，朱古力同脆脆好食！脆脆應該係用caramel & nuts做，macaroon不過不失。

兩個人埋單€９００

Alain Ducasse au Plaza Athenne 

Hôtel Plaza Athénée
25, avenue Montaigne
75008 Paris, France

Tel. +33 (0)1 53 67 65 00